నందమూరి బాలకృష్ణ హోస్ట్‌గా తెరకెక్కిన ‘అన్‌స్టాపబుల్ సీజన్ 1’ సూపర్ హిట్ అయింది. ఈ టాక్ షో ఇండియా అంతటా సంచలనం సృష్టించిందనే చెప్పాలి. సీజన్ 2 కోసం ప్రేక్షకులు చాలా కాలంగా ఎదురుచూస్తున్నారు. చివరగా, ఆ సమయం వచ్చింది. సీజన్ 2 మొదటి ఎపిసోడ్‌కు సర్వం సిద్ధమైంది.ఈ సీజన్ మొదటి ఎపిసోడ్‌లో నారా చంద్రబాబు నాయుడు, నారా లోకేష్ గెస్ట్‌లుగా కనిపించారు.
g-ప్రకటన
దీనికి సంబంధించిన ప్రోమోను విడుదల చేశారు. ప్రోమో నిడివి 5 నిమిషాల 31 సెకన్లు. ప్రోమో చాలా ఆసక్తికరంగా ఉంది. నీ జీవితంలో నువ్వు చేసిన రొమాంటిక్ ఏంటి అని చంద్రబాబుని అడిగిన బాలయ్య..’నేను నీకంటే ఎక్కువ చేశాను…నువ్వు సినిమాల్లో చేశావు, కాలేజీలో చేశాను’ అని సరదాగా అన్నారు. ఇంకా చాలా సరదా ప్రశ్నలు చంద్రబాబుకు బాలయ్య అడిగారు.
‘మీ బెస్ట్ ఫ్రెండ్ ఎవరు’ అని బాలయ్య ప్రశ్నించారు. రాజశేఖర్ రెడ్డి అని చంద్రబాబు బదులిచ్చారు. దీంతో అందరూ భావోద్వేగానికి గురయ్యారు. 1995లో వైస్రాయ్ హోటల్‌లో సీనియర్ ఎన్టీఆర్ విషయంలో తీసుకున్న కఠిన నిర్ణయాన్ని కూడా చంద్రబాబు వివరించగా.. చంద్రబాబు సమాధానం ఈ ఎపిసోడ్‌పై మరింత ఆసక్తిని పెంచింది.
తర్వాత లోకేష్ కూడా వచ్చి మరీ ఫన్‌ పుట్టించాడు. ఓ సందర్భంలో బాలయ్య మాట్లాడుతూ.. ‘తండ్రీ కొడుకులు నా వైవాహిక జీవితానికి నిప్పు పెట్టినట్లే’ అన్నారు. ఆలస్యం చేయకుండా ఈ ప్రోమోని చూడండి: