స్టార్ హీరో మమ్ముట్టి సినిమాకు సైన్ చేసిన జ్యోతిక!
స్టార్ హీరో మమ్ముట్టి సినిమాకు సైన్ చేసిన జ్యోతిక!

ఒకప్పుడు కోలీవుడ్‌లో స్టార్ హీరోయిన్‌గా గుర్తింపు తెచ్చుకుంది జ్యోతిక. తెలుగులో చిరంజీవి, నాగార్జున వంటి స్టార్లతో కూడా నటించింది. హీరోయిన్ గా అవకాశాలు తగ్గిపోతున్న సమయంలో కోలీవుడ్ హీరో సూర్యను పెళ్లి చేసుకుని సెటిల్ అయిపోయింది. చాలా కాలంగా ఇంటికే పరిమితమైన జ్యోతిక మళ్లీ సినిమాల్లోకి వచ్చింది. ’36 వయదినిలే’ సినిమాతో ప్రేక్షకుల ముందుకు వచ్చింది. ఆ తర్వాత మరికొన్ని సినిమాలు చేసింది.

g-ప్రకటన

అయితే రీఎంట్రీలో మాత్రం వరుసగా లేడీ ఓరియెంటెడ్ సినిమాలే చేస్తుంది. ఇప్పుడు ఓ స్టార్ హీరోతో నటించేందుకు అంగీకరించింది. ఆ హీరో మరెవరో కాదు మలయాళ సూపర్ స్టార్ మమ్ముట్టి. జ్యోతిక తన కెరీర్ ప్రారంభంలో మమ్ముట్టితో కలిసి నటించలేదు. ఇప్పుడు తొలిసారి అతడితో జతకట్టబోతోంది. వీరి కాంబినేషన్‌లో రూపొందుతున్న చిత్రానికి ‘కడల్’ అనే టైటిల్‌ను ఫిక్స్ చేశారు. కడల్ అంటే ప్రేమ.

టైటిల్‌ను వెల్లడిస్తూ పోస్టర్‌ను విడుదల చేశారు. బ్లాక్ అండ్ వైట్ ఫోటోలో మమ్ముట్టి-జ్యోతిక పక్కపక్కనే ఉన్నారు. ఈ పోస్టర్‌తో దర్శకుడు నోస్టాల్జిక్ ఫీలింగ్‌ని క్రియేట్ చేశాడు. ఈ సినిమా క్లాసిక్‌గా రూపొందుతోంది. దర్శకుడు జియో బేబీ ఈ చిత్రాన్ని తమిళ, మలయాళ భాషల్లో రూపొందిస్తున్నారు.

మమ్ముట్టి ఈ చిత్రాన్ని తన సొంత బ్యానర్‌పై నిర్మిస్తున్నారు. మమ్ముట్టి, జ్యోతిక ఇద్దరూ తెలుగు ప్రేక్షకులకు దగ్గరైన వారే కాబట్టి ఈ సినిమాను తెలుగులో డబ్బింగ్ చేసి రిలీజ్ చేసే ఛాన్స్ ఉంది. మరి ఈ సినిమాతో జ్యోతిక ఎలాంటి విజయాన్ని అందుకుంటుందో చూడాలి!

Leave a comment

Your email address will not be published. Required fields are marked *